Leopold Staff - Forĝisto

Tutan senforman mason de l' anim' profunda,
Juvelojn, kiuj bruston plenigis misteran,
Simile al vulkano el abism' senfunda
Mi elĵetas potence sur amboson feran!

Forte mi ĝin bategas per tondra martelo
En konfido gajeca, ĉar urĝas laboro,
Ĉar koron por mi forĝi mi devas --- jen celo,
Fiera devas esti, granda, forta koro.

Sed se vi humiliĝos, koro, sub metalo,
Kaj rompiĝos sub feraj bategoj pasiaj:
En polvon vin frakasos monstraj pugnoj miaj!

Ĉar pereu, prefere, ol krevu sub ŝtalo,
Vivante malbenita en malfort' sur tero,
Difektita per fendo de sufer', mizero...

                     Kun permeso de l' aŭoro tradukis Juljan Tuwim

---

Pierwodruk w: Pola Esperantisto, nr 11,1911, str. 169; Przedruk: w czas. Literatura Mondo, Budapeszt 1931, nr 7; Przedruk w tomach: Julian Tuwim - Versajoĵ propraj kaj tradukitaj. Uwagi: Przełożył Julian Tuwim. Wiersz Staffa: Kowal (z tomu Sny o potędze).

Źródło tekstu: wg pierwodruku

klucz: staff-forgisto-1911